Dikagare
Molaetša go tšwa go moofisiri mogolo
Boledišana le Ngaka ya gago
Phela bophelo bjo tletšego ka bolwetši bja swikiri bjo laolegago
Kgokaganyo ya Beryl le Sapphire: tlhokomelo ya gago ya tša maphelo matsogong a mabotse
Ditemošo
Thibela mpshikela maregeng a
Lenaneo tekolo la tšhoganyetšo: thala leano la tšhoganyetšo la lapa
Ngwadiša leseana la gago le leswa mo matšatšing a le 60
Karata ya gago ya go ba leloko: se e abelane le bangwe goba wa e šomiša ka morago ga gore o tlogele
Naa mofani ka tirelo wa gago wa tša tlhokomelo ya maphelo o go lefiša direiti tša Setlamo?
Re romele tshedimošo ya gago ya ID
Naa tirelo ya rena e bjang? Kgatha tema mo sekwengmaikutlo sa khwalithi sa mogaleng sa GEMS
Itemogele GEMS ka leleme la geno
Šomiša leina la moholegi la maswanedi ge o dira ditefelo ka tšheke
Molaetša go tšwa go moofisiri mogolo
Marega a fihlile gomme re hwetša monyetla wa go gopodišiša, go lebelelwa leswa le go ntshwafatša. Le ge diphetogo gantši di se botse, re ka re gape di tletše ka menyetla e megolo.
Ye nngwe ya diphetogo tše bjalo ke kgetho ya maloko bahlokomedi ba baswa ba GEMS. Nako kantorong ya maloko a bahlokomedi ba le bararo bao ba kgethilwego bao ba diretšego Setlamo e fihla pheletšong bofelong bja Julae. Re tla rata go leboga Morena Marthinus Brand, Morena Adriaan van Wyk le Mohumagatšana Kgomotso Kgang ka mošomo woo ba o dirilego le boithaopo bjo ba bo bontšhitšego mo go netefatšeng gore dikgahlegelo tša maloko ohle a GEMS di šireletšegile ka nako tšohle. Bjale ka bahlokomedi ba mathomo ba setlamo se segolo sa pulamadibogo sa tša kalafi, ba kgathile tema e bohlokwa, e sego feela mo historing ya GEMS, e feela gape le historing ya mokgwa woo tlhokomelo ya tša kalafi e lefelelwago ka gona mo Afrika Borwa. Re tla tšea gape monyetla wo go leboga Mohumagatšana Vuyelwa Vumendlini ka tema yeo a e kgathilego bjalo ka mohlokomedi le mothuša modulasetulo wa Boto. Mohumagatšana. Vumendlini, mohokomedi yo a kgethilwego ke mongmošomo, o tlogela Boto go yo tšea poso e mpšha bjale ka Moeletši Mogolo wa Panka ya Lefase kua Amerika. A re amogeleng ka borutho bahlokomedi ba baswa bao ba kgethilwego bao ba tla tsenago kantorong ka Julae 2010.
Phetogo ye nngwe ye botse ke go ba gona ga mošomiši wa tša tlhokomelo ya tša maphelo yo a nago le tsebo. Mo GEMS ke maikemišetšo a rena gore maloko ohle a tšeele se hlogong. Ga re lebale gore goreng batho e ba maloko a setlamo sa tša kalafi gomme ke maikemišetšo a rena go netefatša gore maloko a rena a hwetša le ge e ka ba bonnyane seo ba swanetšego ba se hwetše - tlhokomelo ya tša kalafo yeo e hwetšagalago ga bonolo, e sa bitše e bile e le ya maemo a godimo.
Mo kgatišong ye ya Facets, ka kgopelo bala sengwalwa sa rena ka ga bohlokwa bja go boledišana le ngaka ya gago. Gona gape le sengwalwa ka ga bolwetši bja swikiri le kgopotšo ya gore o ka kgona go dirwa diteko tša boemo bja tlelukose ka le lengwe la matšatši a tekolo ya boitekanelo a GEMS ao a tla bego a diragala mo lefapheng la gago - ka kgopelo dula o lebeletše gore naa se se tla diragala neng. Matšatši a ke monyetla o mobotse wa gore o tšee taolo ya boite kanelo bja gago ntle le gore o tsenyeseatla sa gago ka potleng goba o tloge lefelong la gago la mošomo.
Bao ba lena ba lego "e-enabled" ba tla thabela setlabelo sa "Websmart", ka go hwetša gore naa tirelo ya Bagwera ba GEMS e šoma bjang mo go DotMobi. Gape mo kgatišong ye gona le sengwalwa ka ga HIV/AIDS le Segohlola se segolo seo se kgonago go ganana le dikalafi tše ntši, kotsi yeo e beago tlhokomelo ya tša kalafi gomme se se swanetše se elwe šedi e kgolo.
Ke marega, go a tonya gomme o ka no ba o ikwa o kare o tla tsenwa ke msphikela, e feela se tshwenyege! GEMS e gona sekhutlong sa gago go go thuša gore o phele o itekanetše e bile o phetše gabotse.
Moofisiri Mogolo
Kalafi ya TB e swanetšwe e tšewe go ya ka mokgwa woo go laelwago go sego bjalo e ka se šome gomme ditwatši tšeo di ka nna tša fetoga goba tšeo di sa bolaegego bonolo ka kalafi yeo e lwešanago le tšona.
MDR-TB e ba gona ge ditwatši tša TB di kgona go ka lwantšhana le bonnyane ge ka ba e mebedi ya mekgwa ya kalafi yeo e tlwaelegilego e šomišwa la mathomo ge o fetelwa ke TB. Se se bolela gore phekolo ya TB e ka no šoma feela ka lehlakoreng le lengwe goba e ka no se šome le gatee. MDR-TB e hlolwa ke phekolo yeo e sa lekalenago goba yeo ba hweditšego feela karolo nngwe ka baka la go se tšee kalafi ya TB ka tshwanelo. Mme se se hlalosa gore goreng go hlokega gore go be le DOTS - go netefatša gore balwetši ba a phekolwa gomme le phetetšo e a thibelwa.
Ga go bonolo go phekola MDR-TB, gomme se se tsenyeletša phekolo ya nako ye telele ka mekgwa ya kalafi yeo e fapanego, yeo e lego gore e mengwe ya yona e na le ditlamorago tše sego botse le gatee.
Kalafi ya TB e ka tšewa sammaletee le dianthirethrobaerale (ARVs), e feela dingaka di eletšwa gore di thome ka go phekola TB pele, pele ga ge di ka thoma ka terapi ya dianthirethrobaerale (ART). Mohuta wa di ARV tše tla šomišwago ge go na le TB o ka no fapana ka ge kalafi ya TB ke di ARV, di ka nna tša amana gomme tša mpefatša ditlamorago. Dingaka di katišitšwe go laola se ge se ka diragala.
Go bohlokwa gore kelo ya phekolo e latelwe le gore phekolo ka moka ya TB e fetšwe. Ka go tšea di-ARV ka go nepagala le go se fetwe ke dikelo, palo ya CD4 mo balwetšing bao ba nago le HIV e ka nna ya kaonafala gomme kotsi ya go fetelwa ke TB la bobedi e tla fokotšwa kudu.
Tsebo ya diphetelo tšeo di tsatselago tšeo di ka fetelago motho yo a nago le HIV le gore naa o di thibela bjang, ke ye nngwe ya dilo tše ka dirago gore motho a phele a itekanetše e bile a phela ka go ba le tshepo.
Go ya ka mofani ka tirelo yo a kgethilwego wa GEMS wa taolo ya HIV/AIDS, Aid for Aids (AfA), ke batho bao ba ka bago dimilione di le 5.8 bao ba phelago ka HIV/ AIDS mo Afrika Borwa gomme Segohlolo se segolo (TB) ke phetelo e kgolo yeo e tletšego, yeo batho ba go ba le HIV ba lebanego le yona mo nageng ye. Go kwešiša bolwetši bjo, le ditsenogare tša setlilinikhale tša phekolo tšeo di lego gona le ditsela tša go tšwela pele ka dianthirethrobaerale goba terapi ya yeo e šomago gagolo ya dianthirethrobaerale (HAART) e tla thuša baholegi go phela ba itekanetše ka HIV/ AIDS.
Motho a ka kgona go fetelwa ka TB yeo tsogilego goba e sa ithobaletšego. TB yeo e tsogilego e bolela gore ditwatši di a ata mo mmeleng gomme di hlola bolwetši. Batho bao ba nago le TB yeo e tsogilego ba ka kgona go ka fetišetša ditwatši tša bona go batho ba bangwe ka go gohlola goba go tshwa mare. TB yeo e sa robetšego e bolela gore mmele o kgonne go thibela ka katlego phetelo. Batho ba le bantši mo Afrika Borwa ba na le TB yeo e robetšego ka morago ga gore ba fetelwe ke twatši. Batho ba go ba le mohuta wo wa TB ba ikwa ba phetše gabotse, ga ba na ditaetši gomme ga ba na bokgoni bja go fetetša bolwetši bjo go ba bangwe.
Ge mašole a mmele a hlasetšwe ke phetelo yeo e swanago le HIV/AIDS, TB yeo e robetšego e kgona go ka tsoga. Batho bao ba fetetšwego ke TB, ba kotsing ya gore ba ka ba le diphetelo tše diswa tša TB goba ba tsošološa TB yeo e bego e ithobaletše, yeo e lego gore e mpefala ka pela gomme e phatlalala ka pela gohle mo mmeleng.
Maswao ao a tlwaelegilego a TB a tsenyeletša: bohloko bja dikgara, segohlola seo se sa felego le go felelwa ke moya dibeke tše pedi le go feta. Maswao a ga a be gona mo bathong ka moka. Maswao a magolo ke go dula o lapile, dithitho tša bošego le go ota go go sa kwešišegego gore na go tšwa kae..
E ya go bona ngaka ya gago: Ngaka ya gago e tla dira tekolo ka botlalo le tekolo ya segohlola. Ka nako tše dingwe eksreyi ya mafahla/goba diteko tša madi le tšona di tla dirwa gore go tle go kgonwe go bona ge e le gore TB e gona. Ge go šetše go Ikgokaganye le AfA mo go 0860 100 646 go hwetša tshedimošo ye nngwe gape bonwe gore e gona, o tla fiwa phekolo ya TB ya go ba le mehuta e meraro ya kalafigoba o be leloko la lenaneo la khupamarama la taolo ya bolwetši bja HIV/AIDS. ya go ba lwešana le TB.
Phekolo ya mokopanywa o tla e fiwa bonnyane dikgwedi di le 6. Mokgwa woo o šišinywago wa phekolo mo Afrika Borwa o bitšwa terapi ya nako e kopana yeo ka yona o okamelwago thwii (DOTS).
TB ke boemo bja PMB, gomme setlamo se tla lefelela bolwetši bjo. E feela o swanetše o hwetše phekolo ya gago ya TB go tšwa mafelong a mmušo.
Boledišana le Ngaka ya gago
Kamano magareng ga balwetši le bafani ba tirelo ya tša tlhokomelo ya tša maphelo e swanetše e be yeo e theilwego ka go tshepana. Gore re kgone go fihelela se, go na le melao ya setho le seporofešenale yeo bafani ka tirelo ya tša tlhokomelo ya tša maphelo ba swanetšego ba e latelele.
Lefapha la tša Maphelo le tlile ka Sengwalwa sa Ditokelo tša Balwetši leo le tsebišago wena, bjalo ka molwetši, ka ga ditokelo tša gago le maikarabelo a gago.
Tše pedi tše bohlokwa tša ditokelo le maikarabelo a ke:
Go kgatha tema mo go tšeeng sephetho ka ga bophelo bja gago
Motho mang kapa mang o na le tokelo ya go fiwa tshedimošo ka botlalo gape e bile e nepagetšego ka ga bolwetši, mekgwa ya go lekola bolwetši bjo, diphekolo tše šišinywago, kotsi yeo e sepelelanago le phekolo yeo le ditshenyagelo tše sepelelanago le se.
Boikarabelo bja go tlhokomela bophelo bja gago
Ke boikarabelo bja molwetši gore a hlokomele bophelo bja gagwe; go fa bafani ka tirelo ya tša tlhokomelo ya maphelo ka tshedimošo yeo e hlokegago e bile e nepagetšego; le go nyakišiša ditshenyagelo tšeo di sepelelanago le phekolo/ goba phodišo le go beakanyetša tefelo.
O ka nna gape wa bala ka ditokelo tša gago le melao ya setho le ya seporofešenale yeo e šomišwago ge go tla mo bafaning ka ditirelo tša tlhokomelo ya tša maphelo bao ba lego mo websaeteng ya Khansele ya Bašomedi ba tša Maphelo ya Afrika Borwa (HPCSA) mo go www.hpcsa.co.za.
Ge o se wa thaba ka tirelo yeo o e hwetšago, boledišana le mofani ka tirelo yo a amegago. Ge e le gore le šitega go rarabolla seo, o na le tokelo ya go ipelaetša le gore pelaelo ya gago e latedišišwe, go sa lebelelwe gore naa e sepelelana le boitshwaro bjo bobe, goba e lefišwa ditefelo tša godimo kudu. O ka llela go HPSCA (ge go tla mo bafaning ka tirelo ya tša tlhokomelo ya tša maphelo ba le bantši), Khansele ya Baoki ya Afrika Borwa (ge e le gore se, se sepelelana le mooki o itšeng), Mokgahlo wa Maokelo wa Afrika Borwa (maokelo a poraefete), Khansele ya Bašomedi ba tšeo di sepelelanago le Maphelo ya Afrika Borwa (ge e le gore se se sepelelana le dihomeopata, bašomedi ba tša leago,bj.bj) goba mosepetša tleliniki/bookelo wa tirelo ya setšhaba. Tshedimošo ya go ikgokaganya ya mafelo ao a fapanego e ka hwetšwa mo go www.hpcsa.co.za.
O se ke wa fšega go botšiša mofani ka tirelo ya tša tlhokomelo ya maphelo wa gago dipotšišo di le dintši ka mokgwa woo o ka kgonagalago, go netefatša gore o kwešiša e bile o thabetše phekolo yeo le ditshenyagelo tša gona. Ke tokelo ya gago e bile gape ke boikarabelo bja gago. Go botšiša dipotšišo pele ga ge phekolo e ka thoma go fokotša go tshwenyega moyeng go go ka bago gona išago le go se kwešišane go go ka bago gona išago. Botšiša mofani ka tirelo wa gago ge e le gore o tlo go lefiša direiti tša Setlamo goba aowa le gore o tlo go lefiša bokae gabotse, ge e le gore ga tlo go lefiša direiti tša setlamo. (bona Temošo go hwetša tshedimošo ye nngwe gape ka ga direiti tša Setlamo). Hwetša kgopolo ya bobedi ge o se wa kgotsofala ka dikarabo tšeo o di hwetšago.
O tla bona sekgoba seo mo go sona o ka kgonago go tsenya nomoro ya gago ya leloko, mohuta wa mofani ka tirelo, Profentshe le go ela go fiša (se se bolela gore tlhaka ya pele ya toropo ya yeo o nyakago mofani ka tirelo wa tša tlhokomelo ya maphelo). Kgotla "Go" ka morago ga go tsenya tshedimošo.
Sekirini se seswa se tla tšwelela seo se tla go kgopelago go tsenya toropo. Kgetha toropo go šwa lenaneong gomme o kgotle "Go".
Sekirini se tla tšwelela ka morago ga moo seo se go kgopelago gore o tsenye sapapo. Kgetha "Go".
Kgetha konotswana ya "Cancel" go thoma lesolo le leswa. O ka nna wa kgotla mo dikgokantšhing tše pedi tša ka tlase ga tirelo ya go tšwa lesolo go bala ka go tsenelela ka ga ditirelo tšeo Bagwera Ba GEMS ba fanago ka tšona.
Lenaneo la Bagwera Ba GEMS le tla bontšhwa. Goba ge e le gore mofani ka tirelo ga a hwetšwa, gona o tla bontšhwa molaetša woo o latelago: No provider found, check all suburbs. Bakeng sa diketelo dingakeng tša ditsebi go bohlokwa go hwetša lengwalo la thomelo go tšwa ngakeng ya gago ya tlwaelo (Maloko a Sapphire le Beryl).
Friends of GEMS e diretšwe gore maloko a kgone go hwetša bafani ka ditirelo tša tlhokomelo ya tša kalafi le bafani ka tirelo bao ba kgathago tema bjale ka di-DSP tša GEMS. Šomiša tirelo ye go seketša tšhelete le go boloka dikholego tša gago.
Gopola: o ka kgona go fihlelela tirelo ye ka SMS - romela SMS yeo e nago le nomoro ya gago ya leloko, mohuta wa mofani ka tirelo wa tša tlhokomelo ya tša maphelo yoo o mo nyakago le toropo go
Phela bophelo bjo tletšego ka BOLWETšI BJA SWIKIRI BJO LAOLEGAGO
Bolwetši bja swikiri ke bja kholego ya motheo yeo o e ngwaletšwego (PMB), seo se bolelago gore Setlamo se tla akaretša ditshenyagelo tša go lekola, phekolo le tlhokomelo ya bolwetši ka botlalo, ge o ka latela melao ya Setlamo le mekgwatšhomo le ditumelelwa tša Molao wa Ditlamo tša tša Kalafi.
Bolwetši bja swikiri ke bolwetši bjo sa folego mo mmele wa gago o šitwago ke go laola swikiri goba boemo bja tlelukhose.
Bakeng sa mabaka a tekolo, o ka nna wa lekola maemo a gago a tlelukhose mo matšatšing a tekolo ya boitekanelo a GEMS, ao a swarelwago mafapheng ao a fapanego a mmušo nageng ka bophara. Diteko tša tekolo ya boitekanelo gape di tsenyeletša tekolo ya kgatelelo ya madi, boima, kholesterole le HIV/AIDS.
Nyakišiša ka ga letšatši leo le latelago la GEMS la tekolo ya boitekanelo le tlo swarelwago lefapheng la gago go tšwa mošomeding ba sešego sa bašomi (HR).
Bao ba nago le Bolwetši bja swikiri ba swanetše ba itekole ka bobona go šetša maemo a bona a tlelukhose gomme ba ikgokaganye le borakhemese ba borakhemese le/goba dingaka tša bona nako le nako. GP ya gago e tla go botša gore naa o hloka go bona ngaka ga ka le go dira diteko tšeo tša tlelukhose.
Gopola gore balwetši bao ba nago le bolwetši bja swikiri ba hloka go lekola HbA1C (teko ya taolo ya tlelukhose mo nakong ya dikgwedi tše tharo) bonnyane gabedi ka ngwaga.
Kalafi ya gago ya bolwetši bja swikiri e tla lefelelwa feela go tšwa kholegong yeo e nepagetšego ge o ingwadišitše mo lenaneong la taolo ya kalafi la GEMS. Go bohlokwa go netefatša gore o ingwadišitše mo lenaneong le.
Lenaneo la teolo ya bolwetši la GEMS le netefatša gore kalafi ya gago e sepelelana le methalotlhahli yeo e swanetšego ya setlelinikhale, yeo e fokotšago ditshenyagalo, e bile e theilwe mo bohlatseng, bjale ka ge e bontšhitšwe mo melaong ya setlamo, mekgwatšhomong ya tlhokomelo yeo e laolwago le diformulari. Ngaka ya gago e ka nna ya swanela ke gore e fe tlhohleletšo ge e le gore kalafi yeo a go ngwaletšego yona e wela ka ntle ga methalotlhahli ye. Ge e le gore ngaka ya gago e kgopela kalafi yeo e nago le seo se ka fokotšago tshenyagelo sa go swana le yona goba kalafi yeo e sego ntshe mo formularing, bobedi bja lena le tla tsebišwa gore tlhohleletšo e a hlokega. Ge o ka kgetha go se šomiše kalafi yeo e tšeago sebaka sa yeo o e ngwaletšwego, goba tlhohleletšo e se ya tšwelela, o tla tsebišwa gore o tla swanela ke gore o lefelele tefelommogo.
Lenaneo la taolo ya bolwetši la GEMS la bolwetši bja swikiri ga le tšee sebaka sa taolo ya bolwetši ya setlelinikhale leo o le fiwago ke ngaka ya gago. Maikemišetšo a lenaneo le, ke go fana ka maele le tshedimošo ya tlaleletšo yeo e tseneletšego go kgonagatša le go hlohleletša boitekanelo. Lenaneo gape le nyaka fokotša kotsi ya dilo tša go se sepele ka tshwanelo tša nako e kopana le nako e magareng le go kaonafatša khwalithi ya bophelo bja molwetši. Lenaneo le fa balwetši ba go ba le bolwetši bja swikiri maatla a go kaonafatša taolo ya boemo bja bona ka mokgwa woo o fokotšago ditshenyagelo. Sehlopha sa GEMS se tla ikgokaganya le wena ka ga tirelo ye ka morago ga gore ongwadišwe bjale ka motho y a phelago ka bolwetši bja swikiri mo lenaneong la taolo ya tša kalafi la GEMS.
Mogala wa tša maphelo wa GEMS ke tirelo ya go ba le mohola yeo e hwetšagalago malokong ohle. Ye ke tirelo ya mahala, ya khupamarama, ya mogala ya maele yeo e sepetšwago ke baoki ba seprofešenale bao ba ngwadišitšwego gape ba nago le boitemogelo, Baoki ba ba tla go fa tshedimošo ya semetseng ka ga maswao le ditsela tša go phela bophelo bjo itkanetšego o na le bolwetši bja swikiri.
Gopola o hloka go hwetša pele tumelelopele pele ga ge o ka tsenywa bookelong ka baka la bolwetši bja swikiri. Se se ka dirwa ke wena, ngaka ya gago goba bookelo. Ikgokaganye le rena mo go 0860 00 4367 go hweša tumelelopele.
GEMS e kwešiša gore go laola bolwetši bja swikiri e swanetše e be gona go tšwago pele mo maikarabelong a gago gomme e ikemišeditše go tšwela pele go go nea thekgo yeo e kgonagalago gore o fihlelele maikemišetšo a gago a boitekanelo.
Kgokaganyo ya Sapphire le Beryl: TLHOKOMELO YA GAGO YA TšA KALAFI MO DIATLENG TšE BORUTHO
Ge o le leloko la dikgetho tša Sapphire goba Beryl, o hloka go etela bafani ka ditirelo ba kgokagano pele, gomme yena o tla go romela ngakeng ya setsebi. Ngaka ya gago e gago bao ba lego mo kgokaganyong ya GEMS. Kgokaganyo ye e dira gore o kgone tla dira dipeakanyo tše hlokegago, a hwetše le tumelelopele ya maswanedi gomme go fihlelela bafani ka tirelo ya tlhokomelo ya tša kalafi ba itšeng mo tikologong ya geno. a go fe le foromo ya go romelwa ngakeng ya setsebi. Ge e le gore ga se wa romelwa
Dingaka, dingaka tša meeno, dingaka tša maahlo le dikhemisi tša go feta 10 000 bjalo ke ngaka ya gago go ngaka yeo ya setsebi, tlhahlobo yeo ya ngaka ya setsebi e ka ke maloko a kgokaganyo ya GEMS ya Beryl le Sapphire. se lefelelwe gomme ke wena o tla bago le boikarabelo bja go e lefelela akhaonto yeo.
O efoga ditefelo godimo ga ditefelo le ditefelommogo ge o etela mofani ka tirelo ya tlhokomelo ya tša kalafi e bile gape o hwetša tlhokomelo ya maemo a godimo. Mofani ka tirelo wa kgokaganyo o bonagala gabonolo ka tsebišo ya kgokaganyo ya GEMS mo lefelong la bona la mošomo.
Ngaka ya kgokaganyo ya gago ke yona e rulaganyago tlhokomelo ya gago gomme e go romela ditlhatlhobong tša patolotši, tekenolotši ya tša kalafi le tša dingaka tša ditsebi. Ka mehla šomiša ngaka ya gago ya kgokaganyo go netefatša khwetšagalo yeo e nepagetšego ya ditirelo tša išago tša tša kalafi.
Ditirelo tše hweditšwego ka maikemišetšo go tšwa go mofani ka tirelo yoo e sego wa kgokaganyo, o se boemong bja tšhoganyetšo, di tla lefelelwa go fihla go lepheko leo le hwetšagalago go tšwa kholegong, mme ka morago ga moo ga go na kgopelo yeo e tla lefelelwago.
Ge ngaka ya gago e se karolo ya kgokaganyo ya GEMS goba ge le gore ga go na ngaka ya kgokaganyo ya GEMS yeo e lego kgauswi le ge e ka ba ka dikilometara di le 10 go wena, ka kgopelo kgopela ngaka ya gago gore e ikgokaganye le rena gore mohlomongwe e kgone go ingwadiša bjalo ka mofani ka tirelo wa kgokaganyo ya rena. Le wena o ka ikgokaganya le rena mo go 0860 00 4367 gore o hwetše thušo.
Ditlhahobo tša dingaka tša ditsebi
Ge go hlokega gore o bone ngaka ya setsebi, o tla swanela ke gore o bone ngaka ya
Mo GEMS, maikemišetšo a rena ke go fa wena le ba lapa la gago ka ditirelo tša tlhokomelo ya tša kalafi, tšeo di tšwago pele, dišomago gabotse e bile di fokotšago ditshenyagelo. Gomme kgokaganyo ya GEMS e re thuša go dira bjalo!
Hwetša mofani ka tirelo wa kgokaganyo ya GEMS ka go:
Ikgokaganya le rena mo go 0860 004 367
Šomiša tirelo ya rena ya SMS ya
Bagwera Ba GEMS - romela SMS
go 33489 o tsentše nomoro ya gago ya leloko, lefelo le mohuta wa mofani ka tirelo yoo o mo nyakago Ngaka, Ngaka ya Meeno, gomme re tla fetola semetseng ka tshedimošo ya bafani ka tirelo ba palo ya bonnyane bjo ka bago ba bararo ba maswanedi mo tikologong ya gago.
Tirelo ye e bitša feela R1.50 SMS ye nngwe le ye nngwe.
DITEMOŠO
Thibela mpshikela maregeng a
Go fihla ga bjale mokgwa woo o šomago kudu wa go thibela mpshikela ke go hwetša sethibela bolwetši sa ngwaga ka ngwaga sa mpshikela. E feela, go na le magato ka kakaretšo ao o ka a tšeago gore o phele o itekanetše mo setlheng se sa mpshikela:
Hlapa matsogo kgafetša kgafetša gomme o se sware nko, maahlo le molomo wa gago ge go sa hlokege gore o dire bjalo.
Swarelela" go ethimola le digohlola ka go šomiša dithišu tše lahlwago (gomme o netefatše gore o di lahla semetseng!) gomme o hlape matsogo a gago ka morago ga moo.
Leka go se sware dile tša kgauswi le wena ge o le lefelong la bohle - bjale ka boswarelelo bja serotoši, pene ya mošomammogo wa gago yo a gohlolago goba legotlwana la khomphuthara, bj.bj.
Go fokotša phetelo, fokotša go kopana ga gago le batho bao ba nago le digohlola le mefikela. Ka nako ya kgolo ya matšatši ao a ka bago a le tee go ya go a mane, le nako ya go ka fetetša ya matšatši a šupa goba go feta, go kaone go efoga mang kapa mang yo a nago le mpshikela le ge e ka ba bonnyane bja beke e tee. Motho o tee yo a nago le bolwetši ka mo lifoteng, peseng, sefofaneng goba sekolong a ka fetetša batho bohle ka bjako.
Tlogela go kgoga. Bao ba kgogago ba kotsing e kgolo ya fetelwa ke mpshikela.
Lenaneo tekolo la tšhoganyetšo: thala leano la tšhoganyetšo la lapa
Lapa la gago le ka no se be mmogo ge kotsi e hlaga, ka bjalo beakanyetša išago gomme o bone gore naa le ka ikgokaganya bjang, le tla kopana kae ka mokgwa ofe le gona kae le gore le tla dira eng mo boemong bja tšhoganyetšo.
Nakong ya tšhoganyetšo go ka no direga gore o se kgone go ipolelela. Ge se se ka direga, o tla hloka nomoro ya mongwe yo a ka leletšwago. Boloka dinomoro tša bjalo ka 'ICE' (In Case of Emergency - Mo nakong ya Tšhoganyetšo) mo sellathekeng sa gago, ka gore bašomedi ba tša tšhoganyetšo ba tla kgona go lekola mogala wa gago gore ba hwetše dinomoro tša 'ICE' tšeo ba ka di leletšago gore ba hwetše motho yo o mo tsebago. Ka kgopelo tsebiša batho bao o ba ngwadišitšego bjale ka bao go swanetšego go ikgokaganywe le bona mo nakong ya tšhoganyetšo gore o dirile bjalo. Dira gore leloko le lengwe le le lengwe la lapa la gago le a tseba gore le tseba gore le swanetše le leletše 0800 44 4367, nomoro ya GEMS ya mofani ka tirelo yo a kgethilwego wa go fana ka ditirelo tša tša kalafi tša nako ya tšhoganyetšo, Netcare 911. Dira bonnete bja gore sellathekeng, disente goba karata ya mogala woo o lefeletšwego e gona bakeng sa se.
Ngwadiša leseana la gago le leswa mo matšatšing a le 60
Leseana la gago le tla ngwadišwa go tloga ka letšatši leo le belegwego ka lona ge o ka tlaleletša rekhoto ya gago ya go ba leloko mo matšatšing a le 60 go tloga letšatšing la pelego. Se se ama gape le leseana leo o le fiwago semmušo goba leo ka maswabi le iphetelago.
Ge o ka ngwadiša lesea ka morago ga matšatši a 60 a gore le tswalwe, lesea le tla ngwadišwa feela go tloga ka letšatši la pele la kgwedi yeo o le ngwadišitšego ka yona. Dikgopelo dife kapa dife tša pele ga letšatši la ngwadišo di ka se lefelelwe.
Karata ya gago ya go ba leloko: se e abelane le bangwe goba wa e šomiša ka morago ga gore o tlogele
GEMS e diretšwe bašomedi ba Tirelo ya Setšhaba. Ga go na yoo e sego mošomedi wa tirelo ya setšhaba yo e ka bago leloko la GEMS. Ge o ka tšwa mo tirelong ya Setšhaba, ka kgopelo se leke go šomiša karata ya gago ya go ba leloko ya GEMS go hwetša ditirelo tša tlhokomelo ya tša kalafi. Dikgopelo dife kapa dife tšeo di ka lefelelwago ka morago ga gore o tlogele, o tla swanela ke gore o buše o tšhelete ya ntshe go GEMS.
Karata ya gago ya go ba leloko e ka nna gape ya šomišwa feela ke wena le baholegi ka wena bao ba ngwadišitšwego. Ke bomenetša go fa karata ya gago go yo mongwe feela gore a e šomiše.
Naa mofani ka trelo wa gago wa tša tlhokomelo ya maphelo o go lefiša direiti tša Setlamo?
GEMS e lefelela dikgopelo tša maloko ka reiti ya setlamo, yeo e lego mo lenaneong la taetšo la ditheko la setšhaba (reiti ya NRPL) goba reiti ye nngwe yeo setlamo se rerišanego ka yona. Reiti ya NRPL ya 2010 e hlakantšhitšwe ka tsela yeo e latelago, reiti ya 2009 ya NRPL + 7.9%. Ga se bafani ka ditirelo tša tlhokomelo ya tša kalafi ka moka bao ba tla lefišago direiti tše. Moo setlamo se rerišanego direiti le le sehlopha sa bafani ka tirelo (mohlala: maokelo le dipatolotšisi) bafani ka ditirelo ba, ba gapeletšega go lefiša direiti tše. Netefatša gore o tseba pholisi ya ditefišo ya mofani ka ditirelo wa gago, ka ge setlamo se tlo lefelela feela dikgopelo go fihlela lephekong la reiti ya Setlamo gomme phapang e tla swanela go tšwa potleng ya gago (go lebeletšwe tšeo o swanetšego go di hwetša tša PMB).
Sešego sa tshedimošo sa PHR se swere rekhoto ya gago ya tša kalafi yeo e theilwego mo dikgopelong tša gago tša tša kalafi. O ka nna bjale wa kgopela PHR ka tšhomišo ya websaete ya GEMS le go kgetha go ka abelana tshedimošo ye le mofani ka tirelo wa gago wa tša tlhokomelo ya tša kalafi. O lemoge gore rekhoto e tla ba feela le tshedimošo ya boitekanelo le dikgopelo bjale ka ge di ngwetšwe fase ke GEMS.
Ye nngwe ya tshedimošo yeo e lego mo PHR'eng e tsenyeletša:
Histori yeo e feleletšego ya dikgopelo.
Histori ya malwetši ao a sa folego le diila.
Rekhoto ya go tsenywa bookelong.
KE FEELA Maloko Magolo ao a ka kgopelago PHR ka baka la ditumelelwa tša khupamarama.
Ka kgopelo se dikadika go ikgokaganya le rena mo go 0860 00 4367 ge o nyaka thušo efe kapa efe ka ga go šomiša tirelo.
Re romele tshedimošo ya gago ya ID
Go bohlokwa gore maloko a romele setlamo dinomoro tša ID tša baholegi ka ona. Re hloka tshedimošo ye go netefatša gore re lefela dikgopelo ka tshwanelo le gore direkhoto tša maloko di phela di feleletše ka nako tšohle. Ka kgopelo romela dikopišwa tša ditifikeiti tša matswalo goba dipuku tša boitsebišo tša baholegi ka wena ka go di romela go: Premium Management, Private Bag X782, Cape Town 8000 goba go di fekesetša go 0861 00 4367. O ka nna gape wa romela emeile go enquiries@gems.gov.za.
Naa tirelo ya rena e bjang? Kgatha tema mo sekwengmaikutlo sa khwalithi sa mogaleng sa GEMS
GEMS e na le tirelo ya tekolo ya khwaliti ya mogala woo o itšhomišago moo go wona o ka kgathago tema ge o leletša mogala go setheo sa megala sa GEMS.
Ge agente e araba mogala wa gago, e tla go botšiša ge e le gore o tla rata go kgatha tema. Gomme se se ka se tšee go feta motsotso wa nako ya gago, e feela go tla re thuša kudu gore re kgone go go fa tirelo yeo e tšwago pele išago.
Wo ke monyetla wa gago go re botša ge e le gore ga re fihlelele maemo ao o re beetšego ona, goba ge e le gore o thabetše ditirelo tša rena. Re ka rata go tšwa go wena!
GEMS ka leleme la gago
Ka ge re boletše mo dikgatišong tša peleng tša facets, GEMS e leka gore e tle e kgone go fan ka ditirelo tšohle tša Setlamo ka maleme ao maloko a ikgethelago ona ka 2012.
Bjale ka kgato yeo e latelago mo tseleng ye ya go tolokela malemeng a mangwe, o tla kgona go re botša leleme leo o tla ratago go boledišwa ka lona ka go leletša setheo sa rena sa megala, goba go etela kantoro ya ditikologong tša kgauswi le wena goba ka go tsena karolong ya maloko yeo e šireletšegilego mo websaeteng ya GEMS gomme wa tlaleletša kgetho ya polelo go tloga ka Julae 2010.
Šomiša leina la moholegi la maswanedi ge o dira ditefelo ka tšheke
LEMOGA: Ka kgopelo netefatša gore o ngwala leina ka botlalo, se se bolela gore
IKGOKAGANYE LE RENA
